Swapvienna: sanskrit poetry ~ Your Blog Description

रचयेम संस्कृतकवनम् ।
श्रीहरि

रचयेम संस्कृतकवनम्
रचयेम संस्कृतकवनम् ।।

लेखनीं विना कर्गजं विना
केवलहस्ताङ्गुलिकलया
संस्कृतवाग्विशेषततया ।।1।।

श्लोको भवतु ... वास्तु समस्या...
कोऽपि विचारः कापि चर्चा
तज्ज्ञजनानां चिन्तनं वा
रचयेम संस्कृतस्तवनम्
रचयेम संस्कृतकवनम् ।।2।।

काव्यं लसतु हि यज्जनमनसि
प्रसरतु गन्ध: काव्यसुमानाम्
प्रेरयतु मनश्चान्यजनानाम्
कविजनसंस्कृतनमनम्
रचयेम संस्कृतकवनम् ।।3।।

(Sanskrit poem)

।। झर झर आयान्ति वर्षाधाराः ।। (Sanskrit poem)

।। झर झर आयान्ति वर्षाधाराः ।।
श्रीहरि

झर झर आयान्ति वर्षाधाराः
अत्र प्रसन्नाः सर्वे जीवाः
वृक्षैः प्राप्तं नवजीवनं
नृत्यन्ति मोदेन बालाः सततम्
झर झर आयान्ति वर्षाधाराः

कृष्णा मेघाः पश्य आकाशे
धडाम् धुडुम् धडाम् धुडुम् गर्जन्ति ते
जलेन क्लिन्नं जातमङ्गं
धो धो धो वर्षन्ति मेघाः सततम्
झर झर आयान्ति वर्षाधाराः

धप् धप् पतन्ति जलप्रपाताः
ड्रँव् ड्रँव् कुर्वन्ति कूपमण्डूकाः
टप् टप् गायन्ति पर्णेषु बिन्दवो
पक्ववटखादने मग्ना जनाः
झर झर आयान्ति वर्षाधाराः

नवनर्तनं कुर्वन्ति बर्हिणः
सिंहा गर्जन्ति ननु मेघनादः
सत्वरं वहन्ति सागरं नद्यः
प्राणा हि प्राणिनां वर्षाकालः
झर झर आयान्ति वर्षाधाराः

(Sanskrit poem)