Swapvienna: featured ~ Your Blog Description

Home » Posts filed under featured

।। श्रीगणेशपञ्चकम्।।

।। श्रीगणेशपञ्चकम्।। (वृत्तम् = पादाकुलकम्।)
वदनं वसनं वचनं वहनं नमनं शमनं गमनं दमनम्। तरणं वरणं हरणं करणं गणनायक ते निखिलं शरणम् ।। 1 ।। नृत्यं कृत्यं गोत्रं स्तोत्रं वाद्यं खाद्यं पाद्यं पानम्। ध्यानं ज्ञानं गानं दानं गणनायक ते निखिलं शरणम् ।। 2।। हस्तौ पादौ कर्णौ नाभिस्स्कन्धौ जिह्वा घ्राणं हृदयम्। उदरं नेत्रे शुण्डा दन्तौ गणनायक ते निखिलं शरणम् ।। 3 ।।	.
नीतिश्शुद्धी रीतिस्सिद्धिर्बुद्धिश्शक्तिर्युक्तिर्माया। पुष्टिस्तुष्टिर्दृष्टिस्सृष्टिर्गणनायक ते निखिलं शरणम् ।। 4 ।। भाले चन्द्रो हस्ते शूलः कण्ठे माला पादे पुष्पम् । अस्त्रं शस्त्रं पीतं वस्त्रं गणनायक ते निखिलं शरणम् ।। 5 ।।	.
।।इति श्रीहरिविरचितं श्रीगणेशपञ्चकं सम्पूर्णम् ।।

।। शिवपञ्चकम् ।।

।। शिवपञ्चकम् ।। ( वृत्तम् = चर्चरी । अन्यानि नामानि = हरनर्तनं विबुधप्रिया कुमुद्वती। प्रतिचरणं 18 अक्षराणि।)
पार्वतीवर पार्वतीश्वर पार्वतीहर पाहि माम् पार्वतीधन पार्वतीघन पार्वतीजन नन्द्यताम् । धीरसागर धीरनागर धीरनायक धीयताम् वीरपूजित वीरसूचित वीरशंकर रक्ष्यताम् ।।1।। आशुतोषण चाशुरोषण चाशुमोचन मुञ्च माम् भस्मकाय कपालमाल पिनाकहस्त सुरक्ष माम्। त्र्यम्बकेश्वर हे त्रिलोचन हे त्रिविक्रम रक्ष्यताम् हे लयङ्कर हे भयङ्कर हे त्रिशूलधराव माम् ।।2।। हे सुरेश्वर हेऽसुरेश्वर हे स्वरेश्वर पायताम् हे सदाशिव हे नटेश्वर हे महेश्वर नन्द्यताम् । शैलजावर शैलवासक शत्रुजिद्वर पाहि माम् हे जटाधर हे नटेश्वर धूर्जटे नट रक्ष्यताम् ।।3।।	.
हे शुभङ्कर हे शिवङ्कर हे नयेश्वर पाठ्यताम् सर्वशास्त्रज सर्वरक्षक सर्वभक्षक रक्ष माम् । मौलिगङ्ग च मौलिचन्द्र च व्याघ्रचर्मधरैहि माम् हे पुरान्तक हे स्मरान्तक हे गजान्तक पाहि माम् ।।4।। भूतपूजित मान्यवन्दित भक्ततारक रक्ष हे । नीलकण्ठ मुनीन्द्रपूजित नीलशङ्कर पाहि माम् कण्ठसर्प तपस्विसाधुमहासुरेश कलेश हे कार्तिकेयगुरो गणेशगुरो महेश सुरक्ष माम्।। 5।। शैवशङ्कर शैवशङ्कर शैवशङ्कर शं कुरु । गोपतीश्वर चिन्तनेश्वर वन्दनां मम स्वीकुरु ।।	.
।। इति श्रीहरिविरचितं शिवपञ्चकं सम्पूर्णम् ।।

।। मल्हारपञ्चकम् ।।

।। मल्हारपञ्चकम् ।।
जयं देहि मार्तण्ड धान्यं सुपुत्रम् कृपा ते सदा वर्षतु क्षेमसौख्यम् तव प्रार्थना सर्वकामान्ददाति नमो जेजुरीवासिमल्हार पाहि ।।1।। महाराक्षसेभ्यो मनस्तापदायी महादैवतेभ्यो भृशं मोददायी । महासाधकेभ्यश्चिरं मोक्षदायी नमो जेजुरीवासिमल्हार पाहि ।।2।। ललाटे च सा बालचन्द्रस्य शोभा ललामस्य ते कान्तिरेवाद्वितीया। लतापुष्पपूज्या सुमूर्तिस्त्वदीया नमो जेजुरीवासिमल्हार पाहि ।।3।।	.
हरिद्रा हि ते भालदेशे सुभाति हता येन शुंभादिदैत्या रणेषु । हृदा शोभते म्हाळसादेव नित्यं नमो जेजुरीवासिमल्हार पाहि ।।4।। रविश्चन्द्रमा देवताः स्तूयते यो रमेशादिभूतादिसामर्थ्यदाता । रतो नित्यभक्तेच्छपूर्तौ सदा हि नमो जेजुरीवासिमल्हार पाहि ।।5।।	.
।। इति श्रीहरिविरचितं मल्हारपञ्चकं सम्पूर्णम्।।