Home » Posts filed under स्तोत्रगंगा
No Comment

।। नवदुर्गास्तोत्रम् ।।

।। नवदुर्गास्तोत्रम् ।।
 
सतीनाम्नी शम्भुपत्नी पार्वती सान्यजन्मनि ।
नमामस्तां शैलपुत्रीं शारदीयमहोत्सवे ।। 1।।
 
अपर्णा नित्यध्यानस्था कठोरं तापसंकरी ।
ब्रह्मणा (तपसा) शांकरी जाता नमोऽस्तु ब्रह्मचारिणि ।। 2।।
 
मनःशान्तिकल्याणसौख्यादिसर्वं
ददातु क्षमां सिंहपृष्ठासने त्वम् ।
शशीवास्ति कान्तिस्तु घण्टेव नादो
नमः स्वस्तिदे कान्तिदे चन्द्रघण्टे ।।
 
नमः कालरूपे सुपाहि त्रिलोकान्
धनुःशङ्खचक्रादिशस्त्रान् करेषु ।
त्वया नाशिता मे विपन्ना ह्यवस्था
नमः स्वस्तिदे कान्तिदे चन्द्रघण्टे ।।3।।
 
यया ब्रह्माण्डमुत्पन्नं केवलं स्मितहास्यया ।
आद्यशक्तिश्च विख्याता कूष्माण्डायै नमो नमः ।।
 
सिंहासनाष्टबाहुर्या सूर्यमण्डलवासिनी ।
सूर्यतेजोधारिणी या कूष्माण्डायै नमो नमः ।।4।।
 
स्कन्दमाता शरण्या या चतुर्बाहुसमन्विता ।
पद्मासना पद्महस्ता मोक्षमार्गप्रदायिनी ।।5।।
 
महिषासुरनाशाय कात्यायनेन पूजिता ।
सिंहारूढासिहस्ता या कात्यायनि नमोऽस्तु ते ।।6।।
 
नमः कृष्णवर्णे नमो मुक्तकेशे
भयंकारिणी त्वं शुभंदायिनी त्वम्।
नमो भूतप्रेतादिभीतत्रिनेत्रे
नमः कालरात्र्यै जगत्त्वं सुपाहि।।7।।
 
महाशैलजा या महादेवजाया
महाश्वेतपद्मा महाश्वेतवर्णा ।
महाशान्तशीला महागौरवी या
महाशूलहस्ते मही रक्षणीया ।।8।।
 
शिवश्चाष्टसिद्धिंगतो ध्यानकाले
तवैव प्रसादेन सार्धाङ्गशोभा ।
मनोकामनाः पूर्णकर्त्री च भर्त्री
सदा त्वां नुमो हे सुखंसिद्धिदात्रि  ।।9।।
 
।। इति श्रीहरीविरचितं नवदुर्गास्तोत्रं सम्पूर्णम् ।।
             
No Comment

।। श्रीगणेशपञ्चकम्।।



।। श्रीगणेशपञ्चकम्।।
                  (वृत्तम् = पादाकुलकम्।)

वदनं वसनं वचनं वहनं 
नमनं शमनं गमनं दमनम्।
तरणं वरणं हरणं करणं 
गणनायक ते निखिलं शरणम् ।। 1 ।।

नृत्यं कृत्यं गोत्रं स्तोत्रं 
वाद्यं खाद्यं पाद्यं पानम्।
ध्यानं ज्ञानं गानं दानं 
गणनायक ते निखिलं शरणम् ।। 2।।

हस्तौ पादौ कर्णौ नाभिस्स्कन्धौ 
जिह्वा घ्राणं हृदयम्।
उदरं नेत्रे शुण्डा दन्तौ 
गणनायक ते निखिलं शरणम् ।। 3 ।।
.
नीतिश्शुद्धी रीतिस्सिद्धिर्बुद्धिश्शक्तिर्युक्तिर्माया।
पुष्टिस्तुष्टिर्दृष्टिस्सृष्टिर्गणनायक 
 ते निखिलं शरणम् ।। 4 ।।

भाले चन्द्रो हस्ते शूलः 
कण्ठे माला पादे पुष्पम् ।
अस्त्रं शस्त्रं पीतं वस्त्रं 
गणनायक ते निखिलं शरणम् ।। 5 ।।
.
।।इति  श्रीहरिविरचितं श्रीगणेशपञ्चकं सम्पूर्णम् ।।
No Comment

।। श्रीकृष्णसप्तकम्।।

 ।। श्रीकृष्णसप्तकम्।।

( वृत्तम् = चर्चरी । अन्यानि नामानि = हरनर्तनं विबुधप्रिया कुमुद्वती ।प्रतिचरणं 18 अक्षराणि ।)
योगनायक योगगायक योगदायक पाहि माम् 
योगपावकदोषनाशक नन्दनन्दन रक्ष माम् ।
हे भयंकर हेऽभयंकर हे जयंकर पाहि माम् 
हे नरेश्वर हे नटेश्वर हेऽनघेश्वर रक्ष माम् ।।1।।
वेदतारक वेणुवादक वेदनाहर पाहि माम् 
सौख्यदायक दुःखहारक सृष्टिरक्षक रक्ष माम् ।
विश्वबालक विश्वपालक विश्वचालक रक्ष्यताम् 
विश्वरञ्जक विश्वशोधक विश्वमोचक पायताम् ।।2।।

हे युगन्धर हे धुरन्धर हे नगन्धर रक्ष्यताम् 
हे सुदर्शनचक्रधारिकवे सुनन्दन पायताम् ।
गोपवल्लभ गोपदुर्लभ गोपयोधर रक्ष माम् 
गोपनन्दन गोपचन्दन गोमनोहर पाहि माम् ।।3।।
कालियाधर कंसमारक पार्थबोधक मध्वरे 
पापहारक तापनाशक पायतां वर भूपते ।
नर्तकोत्तम साधुसेवक मन्दहास्य लसद्वर
नीतिपण्डित तत्त्वविद्वर पायतां जनभूपते ।।4।।
पाण्डवप्रिय पाण्डवप्रिय गोधनप्रिय तुष्यताम्
देवकीवसुदेवनन्दन नन्दपुत्र सुगीयताम् ।
पाञ्चजन्यसुवादक प्रियद्रौपदीधन रक्ष्यताम्
भारतीयसुसंस्कृतिप्रिय भारती मम दीयताम् ।। 5।।
श्यामसुन्दर हास्यसुन्दर चित्तपावन लस्यताम् 
सारथे जय दामिनीनवनीतचोर सुभुज्यताम् ।
पूतनायक पूतनाहन पूतनागर पूयताम्
यामिनीधन भामिनीवर कामिनीमद जीयताम् ।।6।।
भुक्तिदायक मुक्तिदायक शक्तिदायक माहरे ।
गोपतारक गोपिकेश्वर गोपनायक श्रीहरे ।
एहि माधव एहि केशव चित्तहारक रक्ष्यताम्।
रुक्मिणीवर राधिकेश्वर गोकुले मम नन्द्यताम् ।।7।।
।।इति श्रीहरिविरचितं श्रीकृष्णसप्तकं सम्पूर्णम् ।।
No Comment

।। यमुनालहरी।।

।। यमुनालहरी।।

यमुनातीरं यमुनानीरं यमुनापारं यमुनासारम् ।
यमुनाक्रीडा यमुनाव्रीडा यमुनासरितस्सकलं शरणम् ।।1।।
यमुनाशिक्षा यमुनाभिक्षा यमुनावीक्षा यमुनादीक्षा ।
यमुनासृष्टिर्यमुनातृप्तिर्यमुनासरितस्सकलं शरणम्।।2।।
यमुनागोपा यमुनानारी यमुनाबाला यमुनावृद्धा ।
यमुनाशीला यमुनालीला यमुनासरितस्सकलं शरणम्  ।।3।।

यमुनावृषभो यमुनावृक्षा यमुनाधेनुर्यमुनाधीरा ।
यमुनाकृष्टिर्यमुनावृष्टिर्यमुनासरितस्सकलं शरणम्  ।।4।।
यमुनावासो यमुनावासो यमुनावासो यमुनावासः ।
यमुनातालो यमुनाकालो यमुनासरितस्सकलं शरणम्  ।।5।।
यमुनानृत्यं यमुनाकृत्यं यमुनावृत्यं यमुनाहारः।
यमुनाधारा यमुनाकारा यमुनासरितस्सकलं शरणम्  ।।6।।
यमुनारात्रिर्यमुनानिद्रा यमुनाशैत्यं यमुनाच्छाया ।
यमुनाव्याप्तिर्यमुनाप्राप्तिर्यमुनासरितस्सकलं शरणम्  ।।7।।
यमुनातरणं यमुनाभरणं यमुनावेगो यमुनावेगः।
यमुनामौनं यमुनाभीतिर्यमुनासरितस्सकलं शरणम् ।।8।।
यमुनाशक्तिर्यमुनाभुक्तिर्यमुनाक्लृप्तिर्यमुनायाेगः।
यमुनाधूतं यमुनापूतं यमुनासरितस्सकलं शरणम्  ।।9।।
यमुनाक्रोधो यमुनाभ्रान्तिर्यमुनाबोधो यमुनाशान्तिः।
यमुनानाट्यं यमुनाधार्ष्ट्यं यमुनासरितस्सकलं शरणम्  ।।10।।
यमुनाश्रवणं यमुनाश्रमणं यमुनाभ्रमणं यमुनाक्रमणम्।
यमुनाद्रवणं यमुनारमणं यमुनासरितस्सकलं शरणम्  ।।11।।
।। इति श्रीहरिविरचिता यमुनालहरी सम्पूर्णा ।।
No Comment

।। शिवपञ्चकम् ।।



।। शिवपञ्चकम् ।।

( वृत्तम् = चर्चरी । अन्यानि नामानि = हरनर्तनं विबुधप्रिया कुमुद्वती। प्रतिचरणं 18 अक्षराणि।)

पार्वतीवर पार्वतीश्वर पार्वतीहर पाहि माम्
पार्वतीधन पार्वतीघन पार्वतीजन नन्द्यताम् ।
धीरसागर धीरनागर धीरनायक धीयताम्
वीरपूजित वीरसूचित वीरशंकर रक्ष्यताम् ।।1।।

आशुतोषण चाशुरोषण चाशुमोचन मुञ्च माम्
भस्मकाय कपालमाल पिनाकहस्त सुरक्ष माम्।
त्र्यम्बकेश्वर हे त्रिलोचन हे त्रिविक्रम रक्ष्यताम्
हे लयङ्कर हे भयङ्कर हे त्रिशूलधराव माम् ।।2।।

हे सुरेश्वर हेऽसुरेश्वर हे स्वरेश्वर पायताम्
हे सदाशिव हे नटेश्वर हे महेश्वर नन्द्यताम् ।
शैलजावर शैलवासक शत्रुजिद्वर पाहि माम्
हे जटाधर हे नटेश्वर धूर्जटे नट रक्ष्यताम् ।।3।।
.
हे शुभङ्कर हे शिवङ्कर हे नयेश्वर पाठ्यताम्
सर्वशास्त्रज सर्वरक्षक सर्वभक्षक रक्ष माम् ।
मौलिगङ्ग च मौलिचन्द्र च व्याघ्रचर्मधरैहि माम्
हे पुरान्तक हे स्मरान्तक हे गजान्तक पाहि माम् ।।4।।
भूतपूजित मान्यवन्दित भक्ततारक रक्ष हे ।
नीलकण्ठ मुनीन्द्रपूजित नीलशङ्कर पाहि माम्
कण्ठसर्प तपस्विसाधुमहासुरेश कलेश हे
कार्तिकेयगुरो गणेशगुरो महेश सुरक्ष माम्।। 5।।

शैवशङ्कर  शैवशङ्कर शैवशङ्कर शं कुरु ।
गोपतीश्वर चिन्तनेश्वर वन्दनां मम स्वीकुरु ।।
.
।। इति श्रीहरिविरचितं शिवपञ्चकं सम्पूर्णम् ।।
No Comment

।। मल्हारपञ्चकम् ।।


।। मल्हारपञ्चकम् ।।
जयं देहि मार्तण्ड धान्यं सुपुत्रम्
कृपा ते सदा वर्षतु क्षेमसौख्यम्
तव प्रार्थना सर्वकामान्ददाति
नमो जेजुरीवासिमल्हार पाहि ।।1।।

महाराक्षसेभ्यो मनस्तापदायी
महादैवतेभ्यो भृशं मोददायी ।
महासाधकेभ्यश्चिरं मोक्षदायी
नमो जेजुरीवासिमल्हार पाहि ।।2।।

ललाटे च सा बालचन्द्रस्य शोभा
ललामस्य ते कान्तिरेवाद्वितीया।
लतापुष्पपूज्या सुमूर्तिस्त्वदीया
नमो जेजुरीवासिमल्हार पाहि ।।3।।
.
हरिद्रा हि ते भालदेशे सुभाति
हता येन शुंभादिदैत्या रणेषु ।
हृदा शोभते म्हाळसादेव नित्यं
नमो जेजुरीवासिमल्हार पाहि ।।4।।

रविश्चन्द्रमा देवताः स्तूयते यो
रमेशादिभूतादिसामर्थ्यदाता ।
रतो नित्यभक्तेच्छपूर्तौ सदा हि
नमो जेजुरीवासिमल्हार पाहि ।।5।।
.
।। इति श्रीहरिविरचितं मल्हारपञ्चकं सम्पूर्णम्।।

Pages

SLIDE1

Popular Posts

  • Moraya 12
    coming soon, English translated songs, Numbers in Sanskrit, Fun (SMS/Whatsapp), १०वी संस्कृत संयुक्त X Composite, १०वी संस्कृत संपूर्ण X Ent...
  • ।। मल्हारपञ्चकम् ।।
    ।। मल्हारपञ्चकम् ।। जयं देहि मार्तण्ड धान्यं सुपुत्रम् कृपा ते सदा वर्षतु क्षेमसौख्यम् तव प्रार्थना सर्वकामान्ददाति नमो...
  • Moraya 1
    coming soon, English translated songs, Numbers in Sanskrit, Fun (SMS/Whatsapp), १०वी संस्कृत संयुक्त X Composite, १०वी संस्कृत संपूर्ण X Ent...
  • सुभाषितमाला १ l (Subhashitmala 1)
    P`aqamaÁ pazÁ È sauBaaiYatmaalaa 1 È vando sarsvatIM dovaIM vaINaapustkQaairNaIma\ È pd\maasanaaM SauBa`vas~aM klaaivaVap`daiyana...
  • ।। गंगापंचक ।। ( Marathi poem)
    ।। गंगापंचक ।।                            श्रीहरि          गौरवान्वित गौरीशाची गौरगंगा गौरवी । पुण्यदात्र्यपुण्यहर्त्री शांकरीशा शांभवी ।। द...
  • Sanskrit translation of Marathi song “Jay sharde vagishwari by asha bhosle”
    jaya Saardo vaagaoSvair Sanskrit translation of Marathi song “Jay sharde vagishwari by asha bhosle” mauL rcanaa (Original ...
  • Subhashitmala
    P`aqamaÁ pazÁ È sauBaaiYatmaalaa 1 È vando sarsvatIM dovaIM vaINaapustkQaairNaIma\ È pd\maasanaaM SauBa`vas~aM klaaivaVap`daiyanaIma\ È È ...
  • चल आ तू चल (chal aa tu chal)
    cala Aa tU cala… cala Aa tU cala maoro saMga¸ idla kI ra|h pr macala È ko Kao na jaa|e khIM¸ yao ijaMdgaI ka| sauhanaa pla È È ...
  • मोरया मोरया - अनुवादः (Sanskrit translation)
    मोरया मोरया – Translated Marathi Song – “ Moraya Moraya” from movie Uladhal ( उलाढाल ) मोरया मोरया अनुवादः = श्रीहरिः मोरय...
  • ।। प्रार्थना ।। (Hindi poem)
     ।। प्रार्थना ।।                   श्रीहरि तू ईश्वर है तू अल्लाह है मेरा तू येशू है तू वाहे गुरु मेरा ।।धृ .।। पलके मिटती है तो, छा जाता है ...